القيادة علي الطريقة الخليجية

الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.

2. عند الدوارات أو التقاطعات فإن الأفضلية لمن يدخل خشم سيارته أولا.

3. إشارة المرور ماوضعت إلا لكي تقطع وإلا فماذا سيقطع الناس لو لم توجد إشارات المرور ؟

4. استح على وجهك وخلك ريال ولا تربط حزام الأمان لا يضحكون عليك الناس و يقولون مصدق نفسه

5. لف من اليمين الى اليسار وماعليك من أحد

6. السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع أما انت فادعس ريس لين الآخر

7. الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليش؟ بتصير أحسن منهم ؟

8. لا تدق إشارة قبل ماتلف ترا مايدق إشارة إلا الخوافين والسواقين بس

9. امسك المسار الأيسر واللي يرفض انه يفتح لك ألزق فيه لين يخاف ويفتح الدرب

10.المراية اللي قدامك ما وضعت إلا علشان تتعدل فيها وماله داعي انك تناظر فيها اللي وراك.

11.إذا كنت مروق ذاك اليوم امسك المسار الأيسر وامش 60واللي مو عاجبة يشرب من البحر.

12.خط المشاة ؟ وشو هو خط المشاة ؟ أصلا وشوله يمشون ؟ مافيه تكاسي؟

13. ترا اللي خططوا المسارات ماعندهم سالفة فإنت امش في الشارع بالشكل اللي تبيه لو في النص بين مسارين أهم شيء ما يتعكر مزاجك

14. إشارة "قف" أقول تراكم مصدقين انفسكم

15. اثنين احذر منهم البنات والتكاسي. فعندهم القدرة العجيبة على نقل سرعة السيارة من 120 إلى صفر في خلال ثانية وذلك اذا شافوا حد واقف على الشارع ويأشر لهم

16.أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق أحسن من انك تطالع الشارع




اتمنى انه نال اعجابكم واعطاكم معلومه مفيده
مع تحياتي(عاشق التيوتا)

يعطيك العافيه

ماقصرت