ديوان الشيخ زايد بن سلطان (( رحمه الله ))

السلام عليكم ورحمه الله وبركاته

عـــــــويد البــــــــان

يـا عويـد البـان يا خلـي === يا فريـد الحسـن باخـوانـه

روف بـي يـا كامـل الدلي === لا تعـذب نفـس ولـهانــه

غيركـم يا زين انـا من لي === منتقنـك "م " الغـزر دانـه

معـك عفت الخـود بالكلي === ماليـه فـي غيركـم خانـه

انت شمسي و انت لي ظلي === و انـت لي تسحـرني اعيانه

عيـن خشف الريـم لمفلي === و الخـدود ورود بـاغصانـه

والخشـم كالسيـف منسلي === والشفايـا حمــر رويانــه

أتلــع والجيــد متعلـي === والشعـر طايـح على امتانـه

يا بديـع الحسـن لا تخلي === فـي هـواك الروح شفقانـه

شوفنـي "م" الحـب معتلي === عاكـف "ع" لشعر واوزانـه



شعر صاحب السمو الشيخ زايد بن سلطان آل نهيان....رحمــه الله






دنـــــيـــــــــــــــا


دنيـا محـلا وطـرها === فيهـا زهـت الانـوار

كثـر الخيـر أو شجرها === و تـوفـرت لاثمـار

يا هـا السعد أو غمرها === مــن والـي الاقـدار

عـم البـر أو بحـرها === و فاضت بهـا الانهـار

تتـوافــد القطــرها === عالـم مــن الـزوار

تتفسـح في شجـرها === وورودهــا والازهـار

فيهـا المهـا مكثرها === واريومهـا والامهــار

يا سعـد اللي نظـرها === وتحـف بها الاسـرار

نحمـد لـذي صورها === واوهـب لهـا لخيـار

أو عظمهـا فـي قدرها === إبجــاه واعتبــــار



شعر صاحب السمو الشيخ زايد بن سلطان آل نهيان....رحمــه الله





ان هويتــــــــونا هـــوينـــــاكم


ان هويتـونـا هوينـاكــم === وبنتصبـر لـي جفيتــونا
ما عرفنـا اليـاس وياكــم === ويـن بتسيـرون تلقـونــا
مستحيـل ان كــان ننساكم === لـو تقصدتـوا تهجــرونا
نهجـر الدنيــا بليـاكــم === دونكـم ع مــري فلا ايكونا
نرخــص الغالـي العينـاكم === وكـل صعــب الكم ايهونا
في الصحا والنــوم ننصاكم === لا تسدوا الـدرب مــن دونا
وفي الحشا والقلــب سكناكم === امشيدات اقصــور وحصونا
نـور يـا مـن محيـاكــم === مثل نــور الصبح في الكونا
انفـردتوا في سجايـاكــم === نادريـن الحســن واللـونا
لـو حسبنـاهـا مزاياكــم === يوصـل التــعـداد مليـونا
شاف شرع الحــب دعواكم === والهــوى له شرع مضمونا
عادل لـو كـان يـدراكــم === يالغضي لـي دوم مزبــونا
وان طلبتــونـا عطينـاكم === وبــا انزيـد الكـم اوزونا
لو اخذتوا الـزود يفــداكم === حبــنـا متـوازن اركـونا



شعر صاحب السمو الشيخ زايد بن سلطان آل نهيان....رحمــه الله




إبــــــــســــــــــــم


إبسـم تبسـم حياتــك === يا قايـد الخفـرات والعيـن
عطاك ربـي لـك غناتك === واصبحـت سيد في المزايين
هنيت يا سيـدي بصفاتك === وانا غني بـك " م " الملاييـن
كل يوم بي تكبـر غلاتك === والقـاك دوم بعينـي تـزين
من بالحسن سيدي شراتك === مثلـك فـلا قـد شافت العين
الشمس تخجل من بهاتك === والبـدر لـك يا نـواره يدين
مثل العسل منطق شفاتك === ذرب .. ومـوزون بمـوازين
والطيب من أصلك وذاتك === اواضـح ولا يحتـاج تبييـن



شعر صاحب السمو الشيخ زايد بن سلطان آل نهيان....رحمــه الله





يا شفـــــــا روحـــــي

حبكــــم وسط الحشا سادي === لو جبـــل ما اتحملـه كله

ويل منـــه مثله افـوادي === كان طـــول الوقت قد حله

جيـــت مثل الشمس متبادي === يا شـــفا روحي من العله

روف بـــي يا غض لانهادي === وارحـــم اللي منك في عله

يا عجيـــد اريـوم لبلادي === يا سفـــر هذا الـوطن كله

الجـــدم لي نش متهـادي === مثل بزغ الحــــيب في حله

آه يا من بده اسهـادي === مـر ليله ما غضى كله

يا حمــــد عـوقي أنا زادي === نشف ريجـــي ماشي ايبله

ثيبــــني يا نسـل لايوادي === لا يفـــــوت العمر بي كله




شعر صاحب السمو الشيخ زايد بن سلطان آل نهيان....رحمــه الله






يا بــو خــــدود مورداتـــي


يا بـو خـدود مورداتي === تشكي ولا بينت بالعوق
عطنا اوصافـه بالثباتي === حتى نفحص كل معلوق
يا زين يا حلـو الشفاتي === بنثيب دام الشي ملحوق
واللي شراتك بايحـاتي === قبل الوداد ايذوب م الشوق
يا جامع زين أو حلاتـي === مترى الهوى له فن واطروق
كانه فهم لمح اكلاماتي === منك ولا جاوب ابمنطوق
خله ولا قلبـك ايحاتـي === ولا تحط له في النفس معلوق
لي مـا يلبي لنـدواتي === ما عرف لذات الهوى ذوق
جدواه لا تعـوي التفاتي === وعن وارد له طبق السوق
لا تحسبه ربح أو غناتي === وانته زبونك مرتفع فوق
لا يندمـك لي ما يحاتي === يا بو يديـل يثل مطلوق
تمت وهاذي لك وصاتي === وتكفا لهموم وخافي العوق



شعر صاحب السمو الشيخ زايد بن سلطان آل نهيان....رحمــه الله







رويــــاك تفـــرج ضيــــقة البـــال


يا محتوي حسنات لخصال === أطباع واسلـوك لطيفـه

قم سو لي م البـن فنيال === وضيف الذي تبغي تضيفه

يا نور عيني مالـك أمثال === و لا لي أنـا دونك نكيفه

روياك تفـرج ضيقة البال === وبسمة ثنايـاك الخفيفـه



شعر صاحب السمو الشيخ زايد بن سلطان آل نهيان....رحمــه الله






مشـــغوب منـــك ومشغـــلني


مشغـوب منـك ومشغلني === ياالسولعي يـاأريش العيــن

ما حـد انـا غيرك فتنـي === في الخـود يا سيـد المزايين

نظـرات عينـك صوبنـي === بألحاظهن واصطبت في الحين

او آزمت من مـا بي أغني === بالحـب لك يا لغالـي سنيـن

حزت الحسن مـن كل فني === يا كامـل في الوصف و الزين

غض غضيض صغير سني === تكبـر و كل ما تكبـر اتزيـن

ماخلـق في الغيـد الدمني === مثلك ولا قـد خلـق في العين

لك يـادل كالليـل جنـي === طايح على الأمتـان رظفيـن

و الجيـد باطيـاب يبنـي === والصـدر به رمـان و تيـن

والعـود مـن شافه يظني === امن الخصـر مقسـوم نصين





شعر صاحب السمو الشيخ زايد بن سلطان آل نهيان....رحمــه الله








الأمـــــطــــــــــار

يالسيد اثـره العيد عيدين === وثالـث اعيـاد الدار لمطار

والغيث عـود بعـد سنتين === واتباشروا به الناس والدار

مالت له اغصان البساتيـن === والزهـر يانـع والحياثار

وانشـم بنـات الرياحيـن === الوطير غني فوق الاشجار

حتى الغضي لي كامل الزين === راتع ويلعـب بين الازهار

خذ "م " الهايا جيد وعين === وم الليل ماخذ شعر واقمار

فايق على كـل المزاييـن === له في سويدا خاطري دار

حبه في قلبي عايش سنين === ما يختلف لو صار ما صار



شعر صاحب السمو الشيخ زايد بن سلطان آل نهيان....رحمــه الله







مـــن ويـــن هـــذا الريــــم

الزيـن هـذا حلـو وزين === خصه يلـي لبس القلايـــــــد

فتان يسبي القلـب والعين === ابه الحسن والزين زايــــــــد

ماشفت انا في وصفه اثنين === ترف الصبا غض النهايـــــد

من وين هذا الريم من وين === لي صار للغـزلان قايـــــــــد

مفنـود عن كـل المزايين === نوره لنور الشمس عايـــــــــد

في مبسمـه در مثاميـن === يـك ودنــات فـرايــــــــــد

عوده اذا هـب الهوا يلين === فـارع وميـاس ونايـــــــــــد

تحلى به الاوصاف وتزين === وتزين به حتى القصايـد


شعر صاحب السمو الشيخ زايد بن سلطان آل نهيان....رحمــه الله






هـــلا ابنــــور الفــــجر

هلا ابنور الفجر زاح الظلامي === هلا بـه ألف ترحيبـه وحيـه

هلا به عد مـزن في غمامي === وما هبـت نسيـم المطلعيـه

أقـدم له تحيـات أوسلامـي === جـواب يوم بـادر بالتحيـه

فهيم أويفهم الـ معنى كلامي === لبيب العـود لفتاتـه ذكيـه

معاه إيتـم إنسي وانسجامي === إبدونه حالتـي حالـه شجيـه

وحبي لـه تسبب في غرامي === أنا راضي أونفسي له هديـه

تملكنـي واملكنـي بالزمامي === و انا سلمت له بنفس رضيه

فـلا والله لـي مثلي ايلامي === وفعل الخيـر ما يجزى ابسيه

رعـاك الله يا ظبـي العدامي === أميـر والغوانـي لـك رعيه

جديـر ابكل حبي واحتـرامي === أو يكفيني متى ترضى عليـه




شعر صاحب السمو الشيخ زايد بن سلطان آل نهيان....رحمــه الله







يا ســــلام علـــى صبــــاكم

يا نسيـم هـب جدواكم === أسهر أعيوني ابطاريكما

ما سخيـت آنا ابفرقاكم === فرحتـي ساعـة ألاقيكم

تبتهـج نفسي ابرؤيـاكم === مـن مـزايا تتلقي فيكم

مثل ما تهـوون نهواكم === يعـل تتحقـق مناويكـم

يا عجيـد اريـوم ندراكم === يعـل رب العرش يحميكم

كل ما حـاولـت بنساكم === عادت الذكـرى إتناجيكم

ابحشى وانهـود وفاكـم === فايقـه عن لي شراويكم

ميزة في اسلوب معناكم === والملاحـه ضافيـه فيكم

ما وجدت إنسان شرواكم === فاضل ابضافـي معانيكم

تطمعون اللي بينصاكـم === بالجمال أو مـن مواريكم

ليـت ما هالشح هوياكم === تلهفـون اللـي بيعنيكم

ما تبـده غيـر رؤيـاكم === لـو حريص أنه يوافيكم

يا سلام الله على اصباكم === عـزة في النفس تحميكم



شعر صاحب السمو الوالد..الشيخ زايد بن سلطان آل نهيان......رحمــه الله







يا حي فضل الله

مرحبا يا حي فضل الله === حي من تزهي به أوطاني

الغضي لي له قدر والله === احترام و يـاه وشانـــي

لي ينير الحوش والفله === والحشـا منهـوب يفلاني

لي بقلبـي باني حلـه === ما يخلفـه واحـد ثانـي

يا شبيه الموز في حله === تايـه والعــود رويانـي

والهدب لمسويـن ظله === فوق طرف العين له زاني

والنهـد ثوبيه قد شله === مثـل شوبينـن برمانـي

والمعنق زاهي ابدلـه === والخـدود بـروق فمزاني



شعر صاحب السمو الوالد..الشيخ زايد بن سلطان آل نهيان......رحمــه الله